達仔呢輪四出攞提名，民主派差唔多個個都簽晒名，惟獨唔見前黨魁李柱銘，八方問馬丁，佢話近日要打官司，所以冇出席民主派提名大會，不過，佢隨時可以交提名畀達仔，因為佢一定支持自己人。
馬丁又批評煲呔個競選策略太霸氣，其實小圈子選舉已經好衰，佢哋就唔應該搏命搶提名，話要攞七百零一票。
「如果我係佢，攞一百零五票，夠就算。」馬丁認為咁先漂亮，反正喺北京嘅高壓之下，達仔同阿詹都一定唔夠票，提名都冇機會。
馬丁唔再做白鴿黨主席，但係仍然好有影響力，就好似華叔咁，雖然唔做議員，仍然全情投入。佢話，唔敢講今個星期六會有幾多人去六四燭光集會，或者程翔事件會唔會令更多人嚟，因為呢啲嘢都唔係佢可以影響到嘅。
爆料熱線：29290000、27860099
報料傳真：26239278
報料電郵：[email protected]