曹敏莉昨日往柴灣拍攝護膚品廣告，她表示酬勞高達百萬。護膚品老闆娘陳細潔和其姊陳小寶昨日透露找曹敏莉的原因，是有高人指點，凡與「敏莉」同音的都適合做她們產品的代言人，曹敏莉亦承認今次十分幸運。
曹敏莉昨日往柴灣一影樓拍攝雪肌蘭護膚品廣告，她表示今次獲百萬酬勞，品牌老闆娘陳小寶陳細潔（即鯊魚女）姊妹透露選曹敏莉的原因，除了她具美貌與智慧外，主因是其名字叫「敏莉」。
廣招「敏莉」
陳細潔說：「我哋之前已經搵過前港姐林敏俐做代言人，因為有高人講過，叫『敏莉』嘅人好啱做我哋護膚品嘅代言人。」記者表示圈中還有一個董敏莉，陳細潔聽後即說：「咁可以優先考慮，遲啲我哋會搞一個招募敏莉嘅活動，只限五十人，可以上嚟我哋公司攞份禮物，重會喺當中再揀一個做代言人。」
問曹敏莉因名字而成為代言人，會否覺得很幸運？她說：「係呀，咁即係我同佢哋有緣囉，而且呢個廣告嘅酬勞亦係我入行以嚟最高嘅。」問她如何使用這筆豐厚酬勞？她說：「會將佢儲喺同媽咪嘅聯名戶口，佢鍾意用晒啲錢都得，同埋買一份大份嘅父親節禮物畀爹哋。」
即時賣口乖
曹敏莉並即時賣花讚花香說：「我一向皮膚都有啲敏感，今日（即昨日）拍廣告前連續四日敷面膜，真係滑晒，遲啲我會開一套三十年代嘅劇《亂世佳人》，可以最佳狀態示人啦。」
採訪：JessicaNgan
攝影：EdwardChou
