睡房中嘅MiniHi-Fi，近年已經逐漸被電腦嘅多媒體娛樂所取替，君不見近年MiniHi-Fi愈出愈少，呢個就係好實在嘅反映！
不過話分兩頭，由於「替代品」有咁強優勢，非屬精品，又邊有膽量出嚟獻世呢？Aiwa最近新返咗一隻XR-DB30，最強之處係新增了「dBENGINE」引擎技術，雖然總輸出功率只有60W×2，但結合埋高效率揚聲器同經改良調諧過的擴大器，所產生的最高聲壓水平（即電能量轉為音頻的效率），相等一般機種的2.2倍！
簡單啲講，由於揚聲器同擴大器各部份都用得夠盡，所以機身設計可以夠小巧之餘，「炸」起上嚟，都有大機咁嘅音量，而且機身重配置有AutoGainControl(AGC)電路系統，能有效降低音質失真情況出現，務求做到最清晰及最準確的音色表現。追求靚音質者，搵佢做睡房Hi-Fi最啱！
記者：朱崇德
Aiwa（34033268）