女子組合2R前晚出席酒吧騷，她們穿上性感高衩空姐制服，露出裙內的打底褲，令全場觀眾嘩然，其後2R又着小背心獻唱，難怪同場演出的劉浩龍亦大讚她們十分性感。
女子組合2R及劉浩龍前晚在尖沙嘴一酒吧舉行「Carlsberg1拖7私人飛機之旅」活動，他們分別着上空姐及機師制服現身，2R的父母亦有捧場。
2R前晚所穿的高衩裙十分性感，露出內裏的打底褲，難怪兩人進場時約二百位客人即時起哄，2R入門口行樓梯時小心翼翼，並以雙手護胸，其後兩人又換上小背心獻唱，現場反應熱烈。
首次在酒吧表演的2R說：「有經理人同保安保護，我哋亦雙手護胸費事俾人抽水，頭先有好多手掂到我哋，不過只係掂到手同膊頭，我哋又要顧上又要顧下，好彩之後換番條褲好啲。我哋特登要求唔好喺十二點後做，驚大家已經醉咗，𠵱家少少high就最好，啲男仔好熱情。」
下月各自搵食
劉浩龍透露已唱過七場酒吧騷，他說：「每次差唔多有五位數字酬勞，好彩都未遇過有人搞事，試過一次有個人衝咗上台錫咗我一啖。」記者指劉浩龍拖住2R兩姊妹獻唱豔福無邊，對此他說：「我覺得佢哋好性感，見到套空姐服我都嘩咗一聲，條衩開得好高，身材我就唔敢睇啦，睇對腳已經足夠。」
另一方面，2R的Rosanne將遠赴上海與吳君如及楊恭如等合作拍攝劇集《如果月亮有眼睛》，約逗留一個月，她表示不捨得妹妹Race，不過Race表示不會到上海探班，反而會趁機返新加坡拍電影。
採訪：駱華齡 攝影：陳志嵐
