彭丹前晚穿上低胸裝參加《繼續無敵獎門人》，不時刻意俯低身，大晒惹火身材，卻成為眾主持和嘉賓的攻擊對象。當彭丹玩「私人醒」環節回答「惡霸的說話」時，竟突然惡狠狠地爆粗，嚇得曾志偉不懂出題目。
周麗淇、陳豪、譚小環、彭丹和巫啟賢等，前晚在無綫將軍澳電視廣播城錄影《繼續無敵獎門人》，穿上低胸裝的彭丹不時俯身玩遊戲，大晒豐滿身材。
當獎門人曾志偉介紹彭丹出場時，打扮性感的她多次刻意俯身向觀眾鞠躬，志偉即說：「唔使嘞！」錢嘉樂則揶揄彭丹：「你唔好笑到震啦！」志偉隨即說：「佢呼吸之嘛！」
全身沾滿忌廉
在「啜乒乓球」環節中，彭丹和黎耀祥對壘，林曉峰笑說：「祥仔咪咁緊張，有啲嘢千祈唔好睇，一睇你就會輸！」錢嘉樂則說：「祥哥玩得好開心，祥嫂睇到眼火爆！」遊戲開始後，由於彭丹啜來啜去都啜不到乒乓球，她即俯身向前，又再春光乍洩。
而在「猜號碼」環節時，彭丹猜中號碼，連累全組成員被掟忌廉，可是敵對的組員如陳豪和周麗淇等卻只追着彭丹攻擊，可憐彭丹被掟得全身沾上忌廉。
後來，在玩「私人醒」環節時，志偉問：「惡霸會講乜嘢說話﹖」彭丹竟然爆粗說：「×你老母！」志偉即說：「嚇到我都出唔到題目，出多兩題玩就算嘞！」事後彭丹卻否認爆粗，她說：「冇講，我係用國語講『有甚麼了不起』，廣東話係『有乜了不起』。」
「大家搞氣氛啫」
彭丹對於自己身材成為全晚話題，她可會覺得不高興？她說：「次次都係咁，娛樂圈係娛樂人，大家搞氣氛啫！」
採訪：王崇穎 攝影：陳偉權
