潮流2：
尖嘴銅鑼灣潮人力撐貨車帽
去年至Hit的貨車帽，今季熱賣指數依然高企，只要去銅鑼灣同尖沙嘴行一轉，但凡見到戴帽者，十居其八都是貨車帽的捧場客，而且大部份都戴得入型入格，有辦你睇！
記者：招佩珊
攝影：陳陶鈞、梁細權、楊錦文
貨車帽——一味靠搶
環顧各人佩戴的貨車帽款式，離不開白底加圖案或字體，略嫌穩陣，夏天一到，如果顏色Sharp啲、Pattern大啲，保證你先搶一輪收視。
何小姐
兩頂都係公仔圖案，三眼仔同米奇，得意嘛！
日日換款：Coolio
好似着衫咁，日日換唔同款，買吓買吓都起碼有50頂。
時裝店店員Jason
今季繼續興貨車帽，推介呢款字體圖案。
ET
無特定鍾意邊款，戴上去覺得好睇就得，綠色都無問題。
SexyPrint：謙
我鍾意呢頂圖案Print，瑪麗蓮夢露好Sexy，夠特別。
VonDutchSales毛毛
呢款最多女仔揀，唔算太Sharp，易襯衫。
咖啡
懶嘛，唔想整頭髮，笠頂帽就搞掂，興貨車帽，所以揀佢囉！
阿田
冬天夏天都會戴帽，貨車帽襯我多啲，屋企幾頂都係呢類，無其他㗎。
時裝店店員Satomi
若然衫同褲都比較深色，就要襯番頂顏色Sharp啲嘅貨車帽。
其他選擇
有人喜歡追潮流，但懂得隱惡揚善才是上策，例如面圓頭大戴貨車帽唔會好睇，因此，在人海中亦找到主流之外的帽子款式，至於係唔係同帽主最襯，睇過先知！
Mu
揀帽會襯番面形，塊面圓碌碌唔啱戴貨車帽，唔係興就戴，漁夫帽啱我。
阿B
呢頂帽係我男朋友嘅，覺得幾型咪攞嚟戴，幾好睇呀！
黃先生
得一千零一頂帽，興唔興無所謂，最緊要襯自己。
帽店老闆Fat
今季㗎仔興玩草帽，本本日本潮流雜誌都有介紹，紳士帽、賊仔帽都有，一定Hit。
Yung
太陽帽啱番我個髮型。
捧名牌
是虛榮？是品質保證？大抵各位名牌Fans對其經典設計情有獨鍾，例如孖GLogo的漁夫帽，夠晒ShowOff。
余先生
漁夫帽啱我多啲，自己鍾意貴啲都無所謂。
鬼妹
貨車帽、線織帽、漁夫帽，唔同款各有一頂，大概有6、7款，可以襯唔同衫。