經紀黃早排推介渝太地產（075），話佢坐擁唔少優質物業，此外，渝太持有港通控股（032）權益，因後者股價上升而水漲船高。
渝太近日大演財技，話說渝太喺上星期，透過1間美資行以每股7.25元，減持700萬股港通，套現5075萬元，持股量由27.28%下降至24.76％。另方面，渝太將持有的一批港通可換股票據，按每股3.90元換股，增持2063萬股，令持股量由24.76％增加至29.92％，持股量重多過之前。
渝太昨日冇起跌，收1.11元，成交金額216萬元。至於港通，批完股後仍然硬淨，昨日升0.67％，收7.45元。
獲鎮科珠寶老闆吳鎮科入主的華基科技（859），早排因注資憧憬而急升，最高見過0.78元，但近日就輾轉回落，噚日再跌9.23％，收0.59元。由於新老闆剛完成全面收購，公眾持股量唔多夠，早前已講明會批股以配合規定，或者呢個係華基股價下跌的原因。
慕容小初