煲呔出動全家大細、施展渾身解數瞓身參選，而許老爺就仍未見蹤影，連星期日跑馬都唔站出頒獎台。
有人話許仕仁事避嫌疑，因為佢一早講咗，如果煲呔勝出，佢願意拔刀相助做阿二，即係做CS；其次做幕後軍師重好玩，既唔使拋頭露面，又可以行動自如，飲茶灌水全冇問題，何樂而不為？
許仕仁喺後台指點江山，佢個愛將攞命陳（陳德霖）就企出前台，你話幾醒！至於位新聞秘書丘福生，佢就唔肯講係咪老許叫佢出山，只係話九六年由助理新聞處處長退下，以為休息一年再重出江湖，點知竟然覺得退休太好玩，再冇做嘢，今次客串性質冇所謂啦，見番啲老朋友都好高興咁話。
丘福生係混血兒，阿爸係中國人，阿媽係荷蘭人，佢就喺香港成長，重做過《英文虎報》記者，係八方老前輩。
爆料熱線：29290000、27860099
報料傳真：26239278
報料電郵：[email protected]