名模琦琦昨日往南丫島出席代言的健康產品活動，她表示自己是上海人喜肥膩食物，很難節食減肥，幸好做運動及服食健康產品，已回復弗狀態。對北京封殺明星代言人，琦琦表示會先試用產品，有三百巴仙信心才會任代言人。
名模琦琦昨日往南丫島模發灣出席代言的易速纖健康產品宣傳活動，她分別以由意大利買回來的綠色裙及EmilioPucci圖案裙示人。
母女同着泳衣
琦琦喜悅地表示現時體重是一百三十磅，較產前輕了六磅，她說：「我係上海人，食慣肥膩嘢同包餃等食物，好難節食減肥。𠵱家靠食呢隻產品同跑跑步機，就弗番晒。」
提到女兒任晴佳，琦琦說：「我喺康城買咗二十幾套泳衣畀自己同囡囡，打算遲啲兩母女合影泳衣相，佢（指女兒）肥嘟嘟咁，都唔知幾性感，但係我之前又去台灣拍廣告，又去康城影展，同囡囡分開咗太耐，我一落機返屋企抱佢，佢只係睩大對眼，用好陌生嘅眼神望住我。」
競爭大博出位
此外，早前有報道指北京欲趕絕由明星任產品代言人，更有一江西婦人使用SK-Ⅱ產品後皮膚過敏，要控告代言人劉嘉玲，對此琦琦說：「我一定會拍廣告前試用隻產品，對產品我要有三百巴仙信心先會肯做代言人，你睇我狀態咁好就知SK-Ⅱ冇事啦。告代言人呢啲係一單半單，市場競爭咁大，梗有人會諗啲方法出位嘅。」
採訪：JessicaNgan
攝影：MatthewLam
