今晚又同朋友吹水到2點幾，回到家中連「無間音樂」都接近尾聲，明天還要早起返工，好鬼攰！諗住偷懶一日，便當暫停供應。誰知一打開門，小茶几上已放了媽媽為我準備的番茄魚湯和梅菜瘦肉飯。自從跟父母「分居」，由同屋變成樓上樓下的鄰舍後，既享受着冇王管的自由，又依然享有煮飯洗衫、湯水無間供應的酒店式服務，儘管又攰又飽，看着一壺熱騰騰的愛心湯，怎捨得不喝！可那個梅菜瘦肉飯又如何？
結果，我把前天買回來的翠玉瓜切成小段，放上鹽和蒜茸炒，加入梅菜瘦玉同炒，不用20分鐘便胡亂弄出這個「梅菜瘦肉翠玉瓜」，味道還不錯呢！翠玉瓜除含有豐富維他命C，也可抗氧化防衰老，生吃已十分清甜爽脆，故不用煮得太久太腍，再伴以蘿蔔粒圍邊，賣相挺不錯吧！媽媽也大讚我天份高呢！但卻說半夜下廚，甚麼防衰老食物都係盞嘥！唉！
（六）老四小吉