呢期人氣之機，索記剛落場嘅K750i絕對佔上一席！基本功能唔差，除咗講緊內置200萬像素鏡頭之外，重配備雙閃燈，兼且有如數碼相機嘅自動對焦功能，用嚟做低階DCRepalcement都好掂！行貨零售現在做緊$3,980，不過由於頭水來貨唔多，所以市面出現勁缺貨迹象！
缺！就自然俾人炒啦！𠵱家個「海鮮價」叫緊$4,300！重有冇機會上？咁真係問幾時有大貨返嘞！
老實講！𠵱家先達場內賣緊嘅K750i，都係啲Sales忍手收起嘅貨尾！機就擺明唔多㗎嘞！等得嘅就建議等多陣！真係好吊癮嘅，就嘥多兩步腳骨力，格多幾間「海鮮舖」先好買！
文：尹謹基