【本報訊】小一派位結果周六揭盅，有教育界人士推測本年度獲派首三個志願的學生應高達八成，若家長不滿意派位結果，可先向在自行派位及統一派位階段列首選的學校「叩門」，並為子女預備精簡的個人檔案及親筆撰寫推薦信，以誠意打動校長。
由於適齡學童持續減少，今年只有二萬三千人參加統一派位，較去年再減少近三千人。小一入學委員會主席張志鴻表示，各區學位充足，相信今年獲派首三個志願的學生達八成或以上，較去年七成八為高。
切忌漁翁撒網
他提醒家長，即使不能派得心儀學校，家長也應與子女先到獲派的學校註冊，再到曾在自行派位階段選讀、在統一派位階段又列作首選的學校叩門，切忌漁翁撒網，「記得唔好太情緒化，認真諗一諗間學校係咪真係同理想差太遠，如果真係，先再去心儀嘅學校博後補位或者插班位。」
身兼油麻地天主教小學（海泓道）校長的張志鴻表示，通常學校在放榜後都可以每班多收一至兩人，能否成功爭取，取決於家長對學校教育理念的認識，「幼稚園嘅小朋友其實個個表現唔係差好遠，但係家長就差好遠啦，家長對小朋友嘅學習有好大影響、好重要。」所以他建議家長為子女親撰推薦信，表達對學校的認識，以電腦打印計，長度不逾一頁A4紙。
他又稱，該校由去年九月至今，共接獲逾百封家長來信，「但係呢啲信都冇乜用，因為未放榜學校都做唔到啲咩，應該等放完榜先寄，再試吓約校長見面重好。」此外，家長又宜為子女準備一本個人檔案，顯示子女的能力，「千祈唔好太厚，二十頁之內就夠，唔係校長都冇乜時間睇。」