三十二歲的阿鳳，早前帶着五歲女兒由內地來港與丈夫團聚，惟她無法適應香港緊張生活節奏，加上經濟壓力，導致患上精神病，一度要入院接受治療。
「我最近剛剛出院，𠵱家重成日覺得心情煩悶，好唔開心，醫生叫我要繼續食藥。」臉容憔悴的阿鳳對記者說。
阿鳳一家三口現居於港島區唐樓，由於大廈沒有升降機，住在九樓的阿鳳，每次出入也要步行數百級樓梯，加上住客品流複雜，容易令阿鳳產生不安情緒。
社工轉介 求助搬屋
負責跟進阿鳳個案的社工古姑娘表示︰「呢度對阿鳳嚟講，唔係一個理想嘅居住環境，除咗冇𨋢唔方便之外，呢幢大廈曾經發生過唔愉快事件，對阿鳳造成好大刺激同傷害，所以我都建議佢搬走。」
但阿鳳家境清貧，無力負擔一筆搬遷費。阿鳳來港後因患病未能工作，家庭經濟由任職地盤散工的丈夫獨力負擔，沒有積蓄。「搬屋要交上期、按金，重有好多濕濕碎碎嘅錢要使，我哋負擔唔起。」阿鳳憂心忡忡道。
蘋果日報慈善基金了解阿鳳的需要後，撥款八千元助她應付搬遷費。
捐款編號︰C1711
暖流熱線
電話：29908688
傳真：23702192
電郵：[email protected]
網址： http://www.charity.atnext.com