傷痕不滅
徐太（家庭主婦）：「六四傷口就算治癒，但傷痕永遠不會磨滅，我帶埋個女參加遊行，就係唔想佢忘記事件。」
希望平反
陳小姐（中七學生）：「我第一次參加六四遊行，係上年嘅元旦遊行激發我上街，當然希望平反六四，但慨歎參加嘅人愈嚟愈少。」
表示不滿
Chipman（加國教師）：「我去年來港任教，今年首次參加六四遊行，我知道當年中國死了不少人，我不認同中央處理手法，因此站出來表示不滿。」
民主停滯
陳奕（七十六歲）：「每年都參加遊行同燭光晚會，十六年喇，中國經濟好似有改善，但自由民主就停滯不前。」
政府反思
Terence（打工仔）：「五十萬人上街畀我一個啟示，就係遊行可以迫政府反思，所以同老婆一齊參加，希望平反六四。」
囑兒勿忘
龐先生（打工仔）：「六四事件事隔多年，重未得到平反，我由九五年起參加愛國大遊行，並話畀個仔聽，唔好忘記六四事件。」
