《蘋果》早前踢爆荃灣警區指揮官顧履勤涉嫌濫用警車，同一班警官喺午飯時間到郊外跑步健身，報道出街後引起警隊內部唔少反響，有啲前線警員更係拍爛手掌，但有警員向八方報料，話上頭對有人做「金手指」好唔滿意，搵咗班下屬「照肺」。
有警員對此睇唔過眼同八方講，班警官大Sir成日坐喺冷氣房，根本唔知前線人員疾苦。佢話政府近年大力削減資源，已令警方人手嚴重緊張，表面睇重可以應付，但實情係已到爆煲邊緣。以新界個別警區為例，由於巡邏人手不足，若咁唔好彩同一時間唔同地方發生幾單案，前線警員真係分身不暇，做到氣咳。佢哋好希望一哥可以正視人手不足嘅問題，否則隨時會因為唔夠警員而出事。
傳真︰2623-9278
電郵︰[email protected]