美國女歌手JessicaSimpson最近初登大銀幕，重拍二十幾年前嘅同名經典電視連續劇《TheDukesofHazzard》電影版，佢今次為省靚招牌，不但喺片中以性感造型示人，即使為新片拍歌曲MV亦一樣冇欺場，佢着住性感比堅尼洗車大晒身材，似足早前迫爆網站嘅Paris賣包廣告。
今次JessicaSimpson同尊尼洛斯維爾（JohnnyKnoxville）以及《美國處男》男星尚威廉史葛（SeannWilliamScott）合作，戲入面佢哋飾演嘅表兄妹，經常揸住架車橫衝直撞，而扮演Daisy嘅Jessica亦一如原來嘅角色咁，經常着一啲好性感嘅衫行嚟行去，重成日着住比堅尼洗車，真係引死唔少男士。
Jessica為部戲嘅soundtrack拍嘅MV，火辣程度亦不遑多讓，佢着住粉紅色嘅比堅尼邊唱邊洗車，重由於泳衣布料太薄而凸晒點，令人想入非非。
沉迷性愛
另外，Jessica最近接受訪問時，承認自己好沉迷性愛，佢話未同NickLachey結婚之前，一直堅守住最後防線，佢話：「我唔想將我呢部份畀任何人，除咗我嫁嗰個人。不過接觸過性愛之後，我就覺得好正，我真係唔明點解會畀自己錯失呢樣嘢咁長時間。」