噚日沙田馬場好墟冚，署理特首唐英年、兩位局長廖秀冬同周一嶽都有入場，原來係因為一隻失而復得嘅銀盃。
話說有位美國銀器收藏家雷剛先生（Mr.TobiasBrown）喺南美一個拍賣會中發現咗一隻有一百五十多年歷史嘅純銀酒壺，知道呢隻盃當年曾經係香港一場名為「黃泥涌賽事」嘅獎盃，於是即刻買咗佢帶返香港老家，重送咗畀馬會，表揚佢哋對香港嘅貢獻。
馬會主席夏佳理好高興，噚日重新增一年一度嘅「香港馬會社群日」，又舉辦社群盃賽，結果次熱門「綠色駿馬」勝出，捧走獎盃（當然係複製品），真嘅下個月就放喺賽馬博物館畀大家欣賞。
傳真︰2623-9278
電郵︰[email protected]