隔陣子走一轉女人街，就見舊店摺新店開。新店玩裝修噱頭新口味，吸引到貪新鮮的年輕人，零星存在屹立不倒的老店呢？靠口碑靠熟客撐，以下兩間老店均有30年歷史，傳統美味客家菜、素菜做得好，自能吸引熟客回歸。
記者：李淑芬 攝影：楊錦文
菜香齋素食館：下午點心$2起
「菜香齋素食館」有35年歷史，老式齋菜館以多菜為原則，不似新派素菜般大量用大豆纖維做菜。店舖舊一批老師傅已退休，現在到徒弟落場，素菜依舊保留到傳統食味，留得住老街坊；討MK仔女歡心的，卻是每天鮮製的多款點心，每天下午四時後，門前小食檔的點心大減價，每件點心$2起，點心師傅說：「點心留唔到過夜，寧願平啲賣，好多人都專登等到四點過嚟買㗎。」
法海蒲團$48
腐皮包髮菜、金菇、北菇、馬蹄、雪耳、銀杏等已燜至入味的餡料，手藝要好，否則腐皮一燉即破。
南瓜鳳眼餃 每件$2（4:00pm後）
內附明目杞子，南瓜又營養豐富，必試！
香荔酥卷$45
傳統素菜，很多人移民回港必試此菜；酥卷炸得不油膩，脆口得很，點上酸甜醬食更惹味。
沙拉素肉球$48
素肉球從日本入口，炸得外層勁脆口，酸甜汁偏甜少酸，細細粒一啖一粒啱啱好。
食客有Say
辛小姐:「我17歲就開始食齋，成日都嚟呢度幫襯。」
菜香齋素食館（23963434）
地址：旺角通菜街60至62號地下
營業時間：9:00am至11:00pm
座位：約85個
