一、肥彭珠玉在前，不會吃蛋撻。
二、無論係乜水訂位，也不會坐頭等１Ａ位。
三、不會叫人千祈洗手，因為洗底比洗手緊要，洗濕個頭和洗腳唔抹腳比唔洗手大鑊得多。
四、不會企太久，怕兩年未夠，就會忽然健康差，提早在２＋５＋５前玩殘自己。
五、不會捐錢給大學或者鵝鴨店，叫人用佢個英文名當奴做生招牌。
六、講好流香港血飲香港水，以後不會飲其他地方的水。食水就另計。
七、不會吹口哨，事關要吹的東西太多（唯一保證不會碰的是吹雞和吹雞屁股），兩年內由朝到晚唔停嘴，好唔得閒。
八、不會郁地產商，他們簡直是香港風水基石，董特首一郁搞個八萬五，就領嘢，幾咁邪。
九、打死也不會上東莞。
十、不會去維園。
十一、不會接近長毛，驚佢「砌低」董建華之後，「功力」激增。
十二、就算夠年紀，也不會領生果金。
十三、雖然有闊佬做人辦，挺硬佢，點都唔會包二奶。