近日成為世界焦點的英國曼聯球隊，將於7月23日抵港，與港隊一眾球星作賽，令大家雀躍不已。雖然呢隊球隊最近戰績欠佳兼且前途未卜，但始終仍是本地球迷最愛的英超球隊之首，球迷不少更是小朋友呢！我神探摩D趁住呢股曼聯熱，走到街上拉住一眾曼聯小Fans，齊齊講吓波經，選出他們最喜愛的曼聯球星。別看這班小球迷年紀小小，說到偶像的看家本領，倒也頭頭是道！唔信？不妨睇吓佢哋有乜嘢講啦！
記者：神探摩D
攝影：奇哥
鳴謝：部份圖片由曼聯提供
7票大熱勝出：頭號偶像基斯坦奴靚仔腳法醒
神探摩D在街頭訪問了18位「曼聯小Fans」，結果選出了他們心中的四大至愛，分別是右翼的基斯坦奴，身兼隊長及防守中場位置的堅尼，中堅的李奧費迪南及前鋒朗尼。其中差不多近一半的小朋友首選出名型仔的基斯坦奴，莫非真係靚仔大過天？
至於另外兩對姊妹花，Vanessa和Loretta，以及嘉茵、嘉寶亦齊聲附和：「基斯坦奴踢波肯定好叻，靚仔有型都是他賣點。」
5票爆冷阿二：次熱偶像中場堅尼身兼隊長叻過人
負責中場兼任隊長的堅尼，居然是小球迷心中二號至愛，此君唔靚仔又欠人氣，好在實力夠到連小朋友都睇得出，勁！
此外，日朗及澤朗亦意見一致地說：「靚仔好波是堅尼，場場有佢一定勝」對足球有點熱衷的他們，特別為偶像堅尼創作了一句口號，果然是忠實擁躉啊！
得3票大熱倒灶：人氣前鋒朗尼勤奮似長今
前鋒朗尼，人稱神童，雖然只得十七歲，但射術甚佳兼且爆發力一流。至於他那副「懶Cute」形象，亦迷倒一眾女球迷。不過在香港的小球迷心中，受歡迎度似乎只能屈居季軍。
此外，還有以下兩位小球迷對朗尼的讚美：
皓銘：「做得前鋒除了要射波叻之外，速度和走位都要有番咁上下，而朗尼就完全符合以上條件。」嘩！一副專家口吻，勁過阿叔講波呢！
芷晴：「我選擇鍾意嘅球星，首要條件便是靚仔，朗尼就啱晒我條件。」年紀小小的芷晴，原來已對一眾曼聯球星的資料略知一二，認真識得揀。
雪睛「我除咗係長今Fans，重係朗尼嘅Fans嚟㗎！我揀嘅球星除靚仔好球技外，而且重要好似長今咁勤力。」
3票合理賽果：李奧費迪南愛他似醫生又似爹哋
在被訪的18位小朋友中，當中有3位揀選了里奧費迪南為我最愛的球星，理由離奇，不如一齊嚟睇睇。
齊玩籌款一叮做曼聯球僮你有機
年齡介乎4至12歲的小朋友，想於7月23日舉行的「ING安泰曼聯盃」中，成為與曼聯及港隊球星一同出場的二十二位球僮之一？那就要參加於6月11日（星期六）舉行的「我愛ING安泰曼聯盃」比賽啦！
參加辦法非常簡單，只須捐款$200或以上予聯合國兒童基金會於國內推行的「防止販賣兒童計劃」，並填妥以下的參加表格，配合「我愛ING安泰曼聯盃」主題，拍攝具創意的相片及創作三十字以內的圖解便可，如被選為作品優異的，更有機會成為曼聯盃盛事球僮之一，並參加於6月11日，在銅鑼灣時代廣場露天廣場舉行，以一分鐘時間配合有關主題作天才表演，並由明星嘉賓作出評判！截止報名日期為6月7日，各位小球迷，你重唔快快報名？
比賽細則：
一）參賽小朋友的樣貌，須出現在相片之中。
二）相片規格：4R大小（菲林相片或數碼列印均可）
三）填妥表格後並將捐款支票或銀行入數紙，郵寄至九龍中央郵箱74141號
有關比賽詳情查詢，可致電62252047（CopperWorkshopLimited陳小姐）或ING安泰人壽24小時專人客戶服務熱線31233123
條款及細則
1.所有的慈善捐款，無論參加者入圍及勝出與否，將不會退回。
2.所有遞交的表格及相片一律將不獲發還。
3.勝出的小朋友須在家長陪同下進入「ING安泰曼聯盃」的會場，家長及勝出的小朋友須自費入場，大會可代訂兩張票價$380的「ING安泰曼聯盃」門券。
4.參賽者之家長及或合法監護人代表參賽者及其本人同意是次比賽的所有細則及條款。
5.參加者同意聯合國兒童基金香港委員會、CobberWorkshopLimited及ING安泰人壽可利用以上資料作日後市場推廣之用。
6.主辦機構保留更改是次比賽細則之權利及得獎結果之最終決定權。
