關之琳前晚以特別嘉賓身份，往灣仔會展出席寶馬7系派對。之之表示現在沒有拍拖，所以多接工作。問她上一段感情創傷是否已平復，她指自己已ready接受新戀情，她說：「不過揀男友唔可以求其，唔可以又再錯。」
關之琳前晚穿上Chloe吊帶裙，佩戴自己設計的頸鏈，以特別嘉賓身份往灣仔會展出席寶馬7系派對，之之表示早年極忙時期，一天經過車行，即二話不說即時購買名車獎勵自己，現在回想覺得當時實在衝動。
不敢嘗兔肉水魚
問之之近期忙甚麼？她說：「我大概每個月工作十日，𠵱家冇男朋友咪接多啲嘢做囉，啱啱去完湖北做廣告宣傳，但係就瘦咗三、四磅返嚟，因為當地嘅食物太辣唔啱食，當地人又好熱情，整啲兔仔同水魚補品畀我食，我更加唔敢食啦。」
問之之前一段感情創傷是否已經平復？之之說：「唔係創傷，係過程，我自己ready好耐啦，不過揀男友唔可以求其，唔可以又再錯㗎嘛。」之之早前在上海拍戲，馬清偉曾往探班，恰巧馬清偉前妻薛芷倫前晚亦是派對座上客，對此薛芷倫說：「大家都係單身，可以有自己嘅選擇，當事人開心咪得囉。」
應采兒鬧狗仔隊
其他出席派對嘉賓還包括應采兒、陳鴻業及女友鄭詩韻、扒女李依琳和郭慧等。有雜誌指應采兒不甘寂寞，在蘭桂坊遇上黃家諾，兩人即轉場玩，應采兒前晚回應說：「黐線，我真係喺街撞到佢，企喺我後面嘅係我媽咪，佢哋（指狗仔隊）又唔影，我之後同媽咪去杏花樓食嘢，又唔影。」
採訪：DebbieLum
攝影：ChenWaiOn
