對於北京禁止影視明星代言保健品、化妝品，違者或控以商業欺詐罪，本港藝人多表示，一向比較小心選擇代言這類產品。劉德華稱，已有多年不接美容及藥品廣告；為「幸福傷風素」擔任內地代言人的歌手容祖兒則強調，會重視產品質素及品牌。
劉德華表示，他多年來都不接拍美容及藥品類廣告。他說：「呢類產品通常我會自己試過用過，覺得好先會接拍，唔同衫或者鞋之類，所以要好小心揀擇，我冇乜時間去試用，所以可免則免，一般都唔會接。」
容祖兒：選有歷史品牌
現時為藥品「幸福傷風素」擔任內地代言人的歌手容祖兒說：「我對每次做產品代言人都好小心，一定唔會貿貿然接廣告，因為產品質素會直接影響到藝人聲譽，所以公司會幫我哋做產品調查同資料搜集後，至會畀我哋做啲高質素同有歷史嘅品牌代言人，我哋做新產品代言人嘅機會亦都比較少。」
有為美容產品代言的楊千嬅昨日就此事在電話中回應說：「法律上嘅嘢我唔係好清楚，文件上或者合約上嘅嘢係唔會過我嘅手嘅，通常公司會去傾。」
楊千嬅：試用過才接拍
「但係作為藝人，我覺得要保護自己保護消費者，我介紹得個產品就要負責任，亦有責任去試嗰隻產品，OK嘅我先會接。例如我拍護膚品廣告之前，我會要求試一段時間，食品亦會試食過先。」
不過，北京明確禁止藝人為保健及化妝品代言，並不受藝人親自試用與否影響。
本報記者