今日支聯會舉辦一年一度嘅「六四」大遊行，一班常委自然會出席，但係副主席李卓人原來咳咗成個月都未好，要帶病遊行。噚日八方同佢講電話，佢重咳到講唔到嘢，怕且今日叫口號都係咪預佢好。八方聽聞原來佢跑完上次「六四」接力賽後，表面上好人好姐冇事，其實咳得更加厲害，但係佢淨係去醫生度攞藥食就算數，有職工盟中人講笑，阿人一把年紀，就咪學後生仔又跑又跳，要錫住身體，今日遊行唔好咁搏，萬一有乜事阿人要大修休養，到時佢哋要特登去佢屋企，搵佢簽支票出糧就煩啦！
爆料熱線：29290000、27860099
報料傳真：26239278
報料電郵：[email protected]