科大商學院噚晚喺交易廣場嘅美國會所搞咗場宴會，約有五十名科大高層同商界人士出席。大學唔係好窮㗎咩？不過科大就真係豪得起，皆因科大每年帶嚟至少二百萬美元（相等於一千五百幾萬港幣）收入嘅「非學位高級管理人員課程」，喺《金融時報》早前公布嘅排名中，位列世界第二十七位，係亞太區一哥。
咁好消息梗要慶祝一番，連噚日下晝五點幾先喺美國返嚟香港嘅朱經武校長，落機都即刻飛車去參加個祝捷會。朱校長話，見到啲布置𠵱家仍然將HKUST放喺BUSINESSSCHOOL前，不過商學院咁強，睇怕有一日商學院個名要擺喺科大前面。朱校長咁樣兜個圈嚟賣花讚花香，八方真係服咗佢。
傳真︰2623-9278
電郵︰[email protected]