徐小鳳的「金光燦爛徐小鳳演唱會2005」加開七場，昨日首天發售門票，紅館與灣仔的售票處均出現人龍。其中紅館方面由於之前秩序混亂，所以昨日特別安排派籌。英皇演唱會部總經理AlexFung說：「啲四百蚊同一百蚊飛已經賣晒，紅館同文化中心更一度壞電腦，搶修咗兩個鐘。小鳳姐知道歌迷又要冒雨買飛，覺得好唔好意思，佢話想快啲喺演唱會同大家見面。」
紅館現人龍
紅館排頭位的小姐在前日早上八點到場等候，高峯時出現過百人的人龍，其中姓楊夫婦便攜同孫兒一起排隊，楊太說：「其實係個仔請我哋兩個睇演唱會，佢唔得閒幫我哋買飛，我哋咪自己排隊囉。」而灣仔通利琴行一早亦出現人龍，當中有不少人是趁工作時間偷空買飛。
採訪、攝影：胡比、魯萍
