濠賭股近日頻頻大搞推廣活動，改善投資者關係，例如世紀建業（079）管理層日前暢談濠江大計，奧瑪仕（959）昨日邀請證券界人士到濠江一遊，參觀希臘神話賭場，了解一下業務如何賺錢。
小初始終覺得，如果全球賭業股的投資氣氛未有改善前，濠賭股想好似之前咁熱鬧，實在唔容易。例如世紀建業咁，講完大計之後，昨日股價仍跌6.9％，收0.242元，成交股數4501萬股，金額1101.7萬元。至於奧瑪仕就好些少，升左2.7％，收0.77元，成交股數股4135萬股，金額3179萬元。
另外，經紀陳日前提過文化傳信（343）將於短期有所搞作。隻股前日升至0.34元後，隨即在昨日停牌，話會公布一項需予披露交易。
經紀陳話打聽到文傳會喺花旗收購一檔高科技生意。不過，經紀陳只知係高科技行業，但實情做乜嘢重係矇查查，淨係知道搞完收購後，重會有集資跟尾。
慕容小初