混血名模AmandaStrang及AnaR.昨日往灣仔出席寶馬新車發布會，提到有少女試鏡遭非禮的新聞，二人異口同聲表示面試時若對方要求除衫，千萬不可照做。AnaR.更憶述在美國曾被騙，並說：「我唔想再提起啦！」
名模AmandaStrang及AnaR.昨日往灣仔會展出席寶馬新車發布會，兩人穿上由林樹彬設計的性感晚裝，輕倚價值一百三十六萬元的寶馬7系提升版豪華轎車，盡展魅力。
「最好搵朋友陪」
問兩人有否留意有少女往試鏡遭非禮的新聞，AmandaStrang說：「個女仔真係可憐，我初入行時模特兒公司啲人已經教我，有時要單獨去試鏡，如果對方要求除衫或者着比堅尼泳衣，千祈唔好應承，要第一時間打畀公司啲人，可以嘅話搵個朋友陪埋上去就最好。」
AnaR.亦有留意有關新聞，她說：「好horrible（恐怖），女仔一定要keepyourclotheson（唔好除衫）。」問她有沒有這樣被騙的經歷？她說：「有，喺美國發生嘅。」過程是怎樣？AnaR.則說：「我唔想再提起啦。」
談到車經，AmandaStrang指香港地小人多，出入坐的士已很方便，問她有否想過叫男友送車給她？她說：「嘩！我會唔好意思，拍拖都係獨立啲好，收吓啲有意思嘅禮物就夠啦。」
美國揸車驚險
AnaR.則指在美國駕車曾有驚險經歷，她說：「我試過喺美國一邊揸車一邊睇風景，差啲行咗上高速公路，後面啲車又快又狠，我驚到即時落車，同細佬調位，由佢揸。」
採訪：DebbieLum
攝影：EdwardChou
