雖然特首選舉早已大局已定，但中央仍然擔心民主黨主席李永達會取得足夠提名，「威脅」曾蔭權自動當選。最近親北京政圈中人流傳，中央竟然憂慮李永達選舉期間會突然死亡或精神失常，務求拉倒整個特首選舉，面對中央「恐李症」升級，李永達禁不住要問中央：「堂堂一個國際大國，點解要怕特區嘅選舉有競爭？」
李永達昨天接受本報專訪時，對北京擔心他會不惜「自我犧牲」阻攔特首選舉，感到極之荒謬，「唔通我會自殺，或者搵人殺我自己？又話李永達行行吓街會俾人扑濕個頭咁點？咁任何時間我都有機會俾人扑濕個頭……俾人扑頭又點會即刻瓜老襯？咁任何選舉都唔好選啦！」
對選委構成壓力
令李永達更哭笑不得的是，竟然有立法會的親北京同僚質疑，民主派會否找醫生證明他精神失常，拖垮特首選舉，「第二個（可能）係我黐線，咁攞到一百票都唔會令我開心到黐線……𠵱家有啲過份，呢啲嘢我唔希望係當奴諗出嚟，但如果中央諗出嚟都係過份。畀到一百票我去選有乜咁大問題啫？我諗專業界都受到壓力啦，社工界邊度有三十六票？呢啲票係Movable（唔穩陣）。」
李永達指出，中央過份關注專業界選舉委員的取向已構成壓力，中央影響選委的手法不外乎幾招，包括「一日收幾個電話」、「一個禮拜約飲幾次茶」、「時不時找民主黨」、及以商業利益試圖影響身兼老闆的專業界選委，目的是要對方不要提名李永達，他認為中央最擔心是有競爭，令選舉出現變數。
大搞「造神運動」
他認為，中央為保曾「零風險」當選，不惜在今次選舉大搞「造神運動」，「連畀人投白票，唔投票都唔得，就要（曾蔭權）自動當選，製造全香港市民都支持曾蔭權嘅假象。你𠵱家當曾蔭權係毛澤東？要各方叫好，所有人都要支持佢？唔可以有意見批評？」
民主黨常被中央質疑與外國有聯繫，李永達認為，中央擔心他是得到外國支持而參選特首等說法，只是打擊他的藉口，最重要是有真憑實據。「呢啲係過份憂慮，如果真係有收資助，佢（指中央）唔爆出嚟？佢都會爆啦！」他認為，中央不應怕他參選，他只是希望選舉有競爭，不要重演自動當選無辯論的情況。
記者 莊曉陽