名模陳嘉容及梁珊珊昨日往灣仔會展示範佳士得多項珍品，包括珠寶、腕表、書畫及玉璽等，估價總值近七億元。陳嘉容患感冒已兩星期，她示範古董玉璽時特別緊張和吃力，她說：「實在太重，成六磅，好似個BB咁重。」
名模陳嘉容及梁珊珊（JessieLeong）昨日往灣仔會展示範佳士得拍賣行一系列珍品，當中包括翡翠、鑽飾、腕表、書畫及玉璽等，這批為數二千件的珍品，估價高達七億元，其中最珍貴的是陳嘉容佩戴的一條重四十二卡的黃鑽加鑽石頸鏈，估價一千八百萬至二千五百萬元。
半夜起身食藥
另外一顆重一百二十卡的淡啡色梨形鑽石，更是亞洲史上最大、並為全球八大梨形鑽石之一，估價為四百八十萬至六百四十萬元。
患感冒的陳嘉容說：「我前晚半夜已經起身食咗四次藥，都重係不停流鼻水，呢次感冒成兩個禮拜都未好番，唔知係啲菌犀利咗定係我身體弱咗。」她表示昨日抱恙上陣示範一些古董如玉璽等特別緊張，她說：「雖然已經有專人教我哋點拎，但係個玉璽實在太重，有成六磅，好似妙芝個BB咁重。」
揀鑽飾眼角高
陳嘉容表示昨日示範的啡鑽實在令人心動，她說：「如果有人拎呢粒鑽石同我求婚，我實即時應承，不過我都承認有職業病，個人奄尖咗，戴得呢啲靚嘢多，對啲細細粒嘅鑽石好似睇唔上眼。」
採訪：JessicaNgan
攝影：ChenWaiOn
