羅嘉良日前與一名內地模特兒合作拍攝保暖內衣廣告，該名碰巧是嘉良超級影迷的模特兒真空上陣，當她與嘉良擺出相擁或胸貼胸的甫士時，親熱程度令嘉良有點尷尬，面紅耳熱。
羅嘉良早前在杭州拍攝了一個內地保暖內衣廣告，廣告商為他找來一名靚女模特兒做拍檔，二人穿上貼身內衣擺甫士合照。
女模特兒原來是嘉良的超級影迷，甫見到偶像已雀躍不已，不時大讚嘉良靚仔有型。當工作人員透露靚女模特兒是真空上陣，又要二人擺出相擁及胸貼胸的親密甫士時，由於大家不熟絡，令嘉良不禁面紅耳熱，尷尬不已，嘉良說：「初初都好唔慣，但後來大家熟咗，拍起嚟都有默契。」
「着起似利是封」
廣告商這批新款的保暖內衣特別注重款式設計，嘉良說：「我覺得紅色嘅內衣都幾特別，老闆重送咗幾件畀我一家三口，我拎咗返嚟留番新年先着，因為着起嚟好似『利是封』，會應節啲。」
問到嘉良既然穿了內衣拍廣告，為何不順便拍攝內褲廣告，他說：「其實同系列真係有內褲嘅，但經理人公司唔准我着三角褲拍廣告，只准着鬆身嘅長內褲。」
此外，嘉良近日再闖電影圈，他表示希望跟爾冬陞和杜琪峰等導演合作，嘉良說：「我好欣賞佢嘅製作，好恨可以拍佢哋嘅戲。」
採訪：比華利
