無綫將開拍以外國劇集《色慾都市》為藍本的處境喜劇，女藝員齊作風騷演出，昨日四位女角陳彥行、伍詠薇及韓君婷等率先性感出擊，行姐賣大包露玉背晒身材，伍姑娘則盡顯風騷俏佳人本色。
無綫即將開拍一套以外國劇集《色慾都巿》為藍本的處境喜劇，昨日在將軍澳電視廣播城舉行造型記者會，今次安排四位美女伍詠薇、陳彥行、韓君婷和滕麗名擔任主要角色，劇情圍繞四人發生的故事，而四女在劇中均會以性感打扮演出，盡騷本錢。
出私伙唔衰得
伍姑娘向來風騷過人，今次在劇中飾演女公關，她說：「表面好有料，但其實好廢，同我現實差唔多，我入行十幾年第一次拍處境劇，之前擔心咗好耐，好彩得到珍姐（無綫高層曾勵珍）安慰。我已經揀好晒衫，到時會出部份私伙，因為我都攞過十大衣着獎，唔衰得，總之到時會平貴合一，mixandmatch出動。」
「最緊要夠嬌俏」
但論性感，則是行姐先勝一仗，穿上吊帶低胸露背裝的她，豐滿上圍更形突出。行姐自言是順應公司安排騷身材，她說：「今日套衫係公司嘅，劇裏面我啲衫都會係咁上下，適當時候都可以晒吓身材，我個角色雖然性感，但我只係做老闆娘收錢，最緊要夠嬌俏，但我個人比較直，𠵱家開始要學嬌嗲。」
而韓君婷昨日則被人踢爆遲到，令她甚為尷尬，韓君婷說：「因為食咗藥聽唔到鬧鐘響，我都有同監製解釋。」昨日韓君婷穿上短裙亮相，看來比前清減。
採訪：卓寶花
攝影：仇志德
