觀塘apm一開，帶動這區變得更潮，最新加入戰團的是傳統潮州菜館「老潮州」，不玩新派，反璞歸真把昔日風味重拾回來：盂蘭戲棚潮州粥、水瓜水蟹湯，不是甚麼貴價菜，但吃起來教人感動。舊時乜都好？還是現狀不能讓大家安穩？且聽聽潮州漢強哥的呼籲，放低俗務做一日逃兵，大吃特吃，回味一下昔日風情吧！
記者：李淑芬
攝影：伍慶泉
廚房樓面潮州化
以往觀塘難找潮州店，想不到一下子開兩間，一間是apm的「潮館」，近日又有一間在裕民坊試業。現在中式食店，總會走年輕化路線，把食物MixandMatch玩新花款，中看是中看了，噱頭也有了，但難免失去原有風味，今日介紹的「老潮州」，請了潮州老師傅坐鎮，專做老式潮州菜，廚房班底也是正宗潮州人，口味絕對正宗；甚至樓面亦請了懂潮州話的潮州人，遇上自己友食客，「架己冷」自然親切得多。
除廚房小炒外，店門前還有滷水檔賣打冷食物和各式潮州湯，胡椒豬肚湯是意料之內，鹹檸檬燉鴨湯卻是驚喜之作，味甜又正氣，必試！翻餐牌，多款潮式食物已不是太多潮州菜館肯做的了，戲棚粥是其一，總廚翁國雄師傅說：「戲棚粥由於料多複雜，𠵱家已經冇乜食肆肯做喇。」強哥也有感而發：「以前九龍城同黃大仙最多潮州人聚居，一到盂蘭節，神功戲戲棚側邊一定有潮州粥食，邊食邊睇戲，都唔知幾爽！」
佛手香櫞骨$58
翁師傅的母親也時常沖香櫞給他喝，他靈機一觸，把此潮州特產加入適量糖醋排骨內，就成為一道地道潮州美食。
強哥：香櫞係佛手柑果實，有古方話沖水飲可以化痰止咳。
潮州戲棚粥 每碗$30 每鍋$58
潮州粥底，加入了滷水豬頸肉、鵝肉、吊片、白鱔、冬菜、大地魚、芹菜等，所有材料與以往戲棚粥差不多，唯一以無骨白鱔代替了蠔仔，更為爽口。由於料多複雜，所以現在較少食肆會做。
強哥：潮州戲棚粥係我最愛，邊食邊睇戲，爽！呢度啲潮州戲棚粥，令我記番好多好玩回憶。
滷嫩乳豬仔$58
潮州專程運來陳年滷水膽，再加料煮，變成這店子的滷水膽，乳豬浸煮過後，不油膩又激香，是潮州滷水檔的必試之選。
強哥：無滷水點算潮州菜？呢度啲滷水都唔錯！
水蟹水瓜湯$78
這是時令湯水，現在水瓜最當造，水蟹少肉但勝在甜，兩樣清甜物品煲成不油膩靚湯，水瓜、蟹又可當餸食，夠飽肚。
強哥：細細個，一到夏天就飲呢款湯喇。
潮式一品煲$68
演變至今，一品煲材料變得矜貴，有花膠、鱔肚、冬菇、雞、鮮蝦等，芡汁收得緊，趁鍋還熱吃，熱騰騰味道濃。
強哥：潮州人出名慳，過時過節會將食剩嘅餸菜煮成一煲「一品煲」。
反沙芋$38
此甜品極耗工夫，要花時間慢慢炒，炒不好，糖不黏芋又或會燶掉，所以不是間間潮州菜館肯做，落單時要有心理準備等啊。
強哥：好傳統嘅潮州甜品，𠵱家想搵都難！
老潮州（34283575）
地址：觀塘裕民坊34至62號美食坊1樓D舖（銀都戲院對面）
營業時間：12:00nn至12:00mn
座位：約100個
