陳霽平近日忙於撰寫一本英語求愛書，又要準備下月開拍的無綫新劇，因而常常頸梗膊痛，故日前往美容院浸牛奶玫瑰spa和做泰式按摩減壓，她坦言最享受被服侍的感覺。
陳霽平準備下月接拍無綫新劇《天幕下的戀人》（暫名），以及撰寫七月推出的一本教人用英語求愛的書，所以十分忙碌。為了紓緩疲勞和壓力，她日前特別抽空到美容院浸牛奶spa和做泰式按摩。
享受專人服侍
陳霽平很喜歡浸spa和按摩，她說：「我最鍾意做泰式按摩，絕對可以鬆到筋骨，好舒服㗎，而且浸spa同按摩都有人喺旁邊服侍，我最享受係呢種感覺。」陳霽平浸在玫瑰花瓣的牛奶浴中，以保滑溜肌膚，她說：「浸完啲皮膚會寧舍滑！」
陳霽平打算七月推出英文書，問她為何突然有興趣寫書？她說：「因為有出版社搵我出一本英文書，於是就構思撰寫一本有關愛情嘅書，我會喺書裏邊教追男仔同追女仔嘅英文，同埋一啲冧人嘅說話，另外又會教人點同另一半用英文講和平分手。」
陳霽平可曾試過主動出擊向心儀男士表白心迹？她說：「我始終覺得女仔應該矜持啲，我反而試過好想識一個異性朋友，但就搵身邊一個女性友人識咗佢先，再介紹我識，記得嗰次最後同個男仔都冇發展落去，因為相處落覺得唔係幾啱傾。」
自爆愛的宣言
陳霽平表示新書已籌備得七七八八，書中除了有英文外，還會配以中文解釋，希望讀者會更明白。陳霽平撰寫的冧人英文，當中可有追求者給她的「愛的宣言」？她說：「當中有啲係我自己嘅個案。」
採訪：比華利 攝影：仇志德
髮型：ZapTang（Chin.G）
場地：卓悅纖體（銅鑼灣世貿中心）
