古天樂與吳建豪前晚在法國尼斯出席一個手表派對，兩人見面即雞啄唔斷，表現投契，會上他們又興致勃勃談相機經，不過論豔福吳建豪則拍馬不及古仔，原因是會上有不少女士不斷找古仔合照。 記者張俊銘法國直擊
古天樂（古仔）與吳建豪前晚在法國尼斯出席TagHeuer介紹全新型號手表派對，該活動邀請了亞洲區十多位廣告代言人出席，古仔是香港代表，而吳建豪則代表台灣。在眾多代言人當中，以古仔較受女士們歡迎，吳建豪反而顯得比較文靜，不過當他一見到古仔，即熱情地與古仔聊天。
吳建豪笑言與古仔頗為有緣，他們不但同是TagHeuer手表代言人，同時也是百事可樂代言人，兩人早前更一起在港拍攝廣告，對此吳建豪說：「我跟古仔之前已認識，今次在尼斯見到他，我覺得很高興，我們一見面就拿起相機來研究。」
拿住相機四圍狂拍
不過古仔看來比吳建豪更有豔福，現場有不少女孩子主動與他合照和聊天，而古仔亦拿着私伙相機不斷拍照。問古仔何時愛上攝影，他笑說：「以前喺香港我都鍾意攞住部相機影吓相，咁𠵱家出埠可以去康城、尼斯同瑞士咁靚嘅地方做嘢，梗係要影番啲靚相返香港啦！我都諗唔到尼斯原來風景咁靚，我喺呢度用咗幾千蚊買咗四幅油畫，下個月我嘅新居入伙，我希望可以將呢啲油畫掛喺屋企。」
女主播見古仔興奮
大馬代言人AshaGill見到古仔特別興奮，經常走到古仔身邊聊天，Asha是大馬著名女主播，曾經來香港工作數年，所以她學過廣東話，對香港的明星更十分熟悉，當她見到古仔即主動上前打招呼。另一方面，新加坡的代言人黃麗玲與吳建豪都是講普通話，兩人都談得十分投契。
