這宗警民衝突事件，由一個恍如陷阱的禁區引起，談立徽昨接受本報專訪時，指實情是三名交通警圍毆他，正考慮向他們索償。
十八歲已考獲車牌的談立徽說，○三年三月五日，前財爺梁錦松公布財政預算案，亦是他的生日，傍晚放工後，他駕駛其心愛舊款黃色保時捷跑車，赴上環與家人吃飯慶祝，當駛入油麻地貨櫃車裝卸貨區後，被警察截停，原來該處上午六時至晚上十二時，不准駛入。
「馬路上有右轉標誌，但入口嘅不准駛入牌，根本睇唔到，交通警喺禁區埋伏，根本就係陷阱。」
碰車窗墮地
談無明火起，說：「唔怪得有財赤，啲人力咁用！」但他仍交出車牌，豈料碰上車窗，車牌墮地，他執起遞到交通警面前，對方一邊說「揸波子吖嗱」，一邊揮拳打跌其眼鏡，另一警從後箍他頸項，最終他倒地，還被踢了多腳，身上多處受傷。
談承認當日態度欠佳，案件令他困擾，但也因禍得福，知道親人關心他，並說：「𠵱家嘅差人，唔能夠打完人，再告到咁盡，企圖洗脫嫌疑。」
本報記者