方力申的第三張個人大碟《BeGood》將於日內推出，日前他便聯同歌曲監製兼服裝設計雷頌德（Mark）到拔萃男書院拍攝唱片封套。今次方力申的形象與以前不同，嘗試以鮮豔奪目的服裝示人，希望以顏色表達歌曲的特色。
由於拍攝地點極富歐洲風味，所以方力申提議找一頭狗來點綴，他更出動友情牌親自向朋友商借金毛尋回犬作拍攝之用，他說：「我覺得如果多番隻，感覺會warm一啲，所以即刻打電話畀朋友借返嚟，而拍出嚟嘅效果都非常好，重揀咗其中一張做唱片封套相㖭。」
借出私伙衫
阿Mark為方力申度身訂做一身富有時代感的造型，方力申說：「整個concept（概念）都係我同阿Mark構思出嚟嘅，阿Mark喺現場監督成個拍攝過程，重私底下攞出幾套服裝嚟，真係好感激佢。」
「佢冇掂過我」
此外，方力申前晚出席新片《雀聖》首映時，對於緋聞女友Stephy取笑他的肌肉很「泡」，他說：「我要澄清，佢從來冇掂過我，佢只係憑眼睇，同真實係兩件事。」
