呢兩日宜做乜？唔使查《通勝》，都知一定係宜辭工。噚日曾蔭權趕急遞信，今日就到陳德霖講拜拜，結束佢同金管局十幾年因緣，撇低任總，去撐煲呔。
世事如太極，退即進，辭舊職即有高就。唔做司長做特首，唔做副總裁，當然亦有好路數，外面啲草咁綠，好難抗拒。八方問金管局攞官方答覆，佢哋話陳德霖副總裁今lastday。至於局方同事點樣送別佢，就冇人知。
今日之後，陳德霖就可以名正言順去灣仔東亞銀行間大廈返工，當然唔係幫東亞，而係幫煲呔競選，做一個贏梗嘅project。之後再出洋鍍吓金，享受吓人生的靜修，再起東山時，另一番天地囉。
傳真︰2623-9278
電郵︰[email protected]