吳君如、杜汶澤及森美昨日在尖沙嘴為有線拍攝電影《頭文字D》特輯，吳君如舊愛杜德偉早前在台灣自爆有一夜情經驗，君如昨日被問及此事，她顯得不自然地說：「係乜年代發生㗎？我唔知呀，人哋啲嘢關我乜事啫？我都有喺電視睇到，但冇乜感覺喎。」
對於王菲打算息影，君如說：「對佢係天大喜訊，對其他人係天大可惜。」問君如可有打算全面息影？她即笑說：「我另一半叫我唔好煩住佢，叫我做嘢呀，除非有細路仔，我先會離開。」
獲贈鑽石表
此外，杜汶澤透露婚宴正籌備得如火如荼，但有很多朋友已表示不能赴宴，其中林建岳因公務在身，所以昨日已提早送了一對鑽石表給他作為結婚禮物。問他婚後可會叫太太田蕊妮仿效王菲息影？他笑說：「王菲同阿田嘅級數點可以相比呀？婚後重要叫佢做多啲嘢㖭！」
採影：馮美茵