張可頤昨日穿上二萬多元新裝到中環出席時裝店開幕活動，她直言獲多個品牌贊助，省回買衫錢用作供樓，又謂「心頭不高」，有幾層樓收租就足夠。她又透露早前歐遊在意大利昅靚仔及欣賞建築物為樂。
法國時裝品牌Kenzo昨日慶祝位於中環IFC專門店開幕，這間全亞洲最大的新店，面積達三千三百多平方呎。Kenzo特別邀請首席設計師AntonioMarras來港，更由法國運來六套○六年秋冬女裝系列於時裝騷展出，由名模LisaS.及多名外籍模特兒演繹Kenzo最強項的ethicstyle。
波希米亞風情
今年Kenzo冬裝色彩依然繽紛，有泥土黃、草綠、鮮紅、紫色等，配上華麗刺繡與釘珠，款式有大量披披搭搭的服裝組合，糅合浪漫波希米亞及瀟灑hippie風格。
張可頤獲贊助穿上二萬多元新裝亮相，她透露剛與一女伴歐遊返港，故面腫聲沙，狀態一般。張可頤大談歐遊趣事，她說：「因為我之前睇咗本講全球最靚嘅屋嘅書，所以今次去羅馬、米蘭都係食嘢同埋睇建築物，好少買衫shopping。不過去到意大利就見到好多靚仔，全程忙於睇男仔。」
「啲錢留番供樓」
問張可頤為何不主動上前交友？她即說：「唔得，我係傳統中國女仔，要有啲矜持嘅。」她又謂當年參選港姐，在意國拍照時狂買衫，但其後因過時，衣服未剪價錢牌都要丟掉，非常浪費。
張可頤說：「多得好多大品牌贊助支持，我𠵱家好少買衫，成個婆仔咁，啲錢留番供樓，我心頭唔高，幾層樓收租就夠！」張可頤愈講愈開心說：「冇事得閒咪喺屋企熨銀紙囉，講笑啫！」
此外，LisaS.再度抱怨成為翻版麥當娜CD封套女郎，她說：「我問咗律師，佢話冇嘢可以做到，冇得告，我覺得好唔公平！」至於男友吳彥祖有何反應，LisaS.說：「佢覺得好funny。」
採訪：JessicaNgan
攝影：ChenWaiOn
