朋友好心事先給我心理準備，說帶孩子，他愈大就愈多事，三歲以下，是開心honeymoon，一定要好好enjoy。辛苦？將來才真夠你受的。我問，例如呢？
該上學時，你要頭痛搵學校。
我和老伴都求求其其，中西區最就腳哪間就揀哪間好了。如果讓老伴挑，要Miss比較省鏡養眼那家。我對男教師沒有情意結，無要求。只要不是離我家不遠那間中學就行。那家學生很佬樣，放學即刻夾住支煙邊行邊抽扮型仔，挺難頂。
上小學而已，光是書包已經九斤重，揹死你這個老媽。朋友近乎恐嚇說。
我不懷疑，着實見識過這種廿四孝媽咪。我諗阿仔不會欣賞老媽做騾仔，假如到時不能用segway車接送上學，就請速遞公司每天運送書包，他們無懼風雨準時兼便妥，廣告拍得很好玩，應該信得過。
好仔會變，朋友說，一到反叛年齡，談戀愛呀咁，就夠家長煩惱。
戀愛大過天，為了追校花逃學，老伴會舉腳贊成，甚至幫阿仔追埋一份。除非越級挑戰追女校長，或者校花的媽咪，否則一律放任，冇有煩。Dotherightthing，阿仔的時代，保證精叻過老媽。
阿仔大了，每天只願跟你傾偈不足十分鐘，夠傷心吧。啊，到時講多嫌滯，勉強無謂，索性早早分家獨立，從此跟老伴四海為家。感激阿仔唔裙腳黐身，放我一馬。仔大，阿媽終於有番自己的世界。