施念慈、江欣燕、任葆琳、陳霽平和蘇玉華昨日到沙田為一日本料理店擔任開幕剪綵嘉賓，其中以任葆琳和瘦身成功的江欣燕最性感，謀殺記者不少菲林。
拒露肉維生
任葆琳表示上星期到台灣替母親慶祝生日，她說：「最初講到好似唔會同媽咪慶祝咁，打電話畀佢時，佢講嘢都好晦氣。之前我聲帶做手術，唔出得聲，又有嘢做，一排冇打電話畀佢，佢都嬲嬲哋，如果再唔同佢慶祝，連我呢個女都唔認，所以我同家姐畀個驚喜佢，神秘到台灣幫佢慶祝，當時佢都唔知幾開心。」
而江欣燕則表示不會拍脫戲，她說：「拍纖體廣告後，我都要受人錢財替人燒脂，我都好多年冇着成咁，以前唔敢着，着又唔敢郁，不過我澄清唔係靠露肉維生，我真係驚有人叫我拍露肉戲，其實我咁瘦都唔會令人有遐想，不過麻雀雖小，五臟俱全。」
採訪、攝影：楊潔雯
