八方噚日講過有傳聞話有位即將辭職嘅高官（傳聞係煲呔）對港台有微言，話佢冇做到公營電視嘅要求，重話佢哋報新聞唔夠人快。
噚日官台終於大發神威，喺立法會即將辯論行政長官修訂條例草案前，大約十二點零八分就出新聞，話煲呔最快傍晚辭職，果然贏晒！政府喺立法會通過草案後唔夠半粒鐘，即係未到六點就出稿話煲呔唔撈。
講開政府出稿，又真係好細心，由於煲呔嘅演詞涉及「請辭參選」，所以等成晚都唔同佢出稿，就算係未來大老細都冇面畀，認真中立。
煲呔即時休假，所以立法會今個星期六請佢去開球禮就唔會去喇，人大政協去深圳打高球冇請佢，煲呔當然唔會不請自來，佢不如瞓餐飽，養足精神，等做特首。
傳真︰2623-9278
電郵︰[email protected]