元華和元秋等前晚出席新片《雀聖》首映，元華與黃秋生合作的新片《阿嫂》，日前有一場對手戲是講述二人互超，元華言語間直認戲裏戲外，他和秋生都有互超。談到會否接拍《功夫2》時，元華表示不敢加片酬。
元華、元秋、黃泆潼、傅穎（Theresa）和郭晉安等前晚在旺角出席新片《雀聖》首映時，即場進行「甩」牌比賽，結果女演員一隊勝出。
老婆審閱床上戲
在《雀》片中，元華和元秋有一場床上戲，攜同太太到來的元華對此說：「兩個人喺床度咪床上戲，劇本老婆都睇過，有限度。」被問到可會接拍電影《功夫2》時，元華說：「有傾過吓，未簽約，口頭上講過。片酬要加碼相信難度幾高，人哋未必會請你，我覺得戲份好似上次咁都ＯＫ。」
黃秋生曾批評元華演技浮誇，日前二人在新片《阿嫂》中拍攝一場互超的戲，元華說：「嗰場戲大家都冇對白，劇情講述你超我，我超你。」問元華二人豈非戲裏戲外都互超？元華直認說：「有啲啦！」對於黃秋生被指很離群，元華說：「唔可以咁講，或者佢性格係咁，我就係羊群心理，每個人處理唔同，睇吓夾唔夾，人夾人緣，賊劫火燒船。」
元秋拒認留案底
元秋則表示近日工作很忙，無暇打牌，而早前她在尖沙嘴一間地下麻雀館打牌被捕，被控非法聚賭判罰款四千元兼留案底，元秋對此解釋說：「唔可以咁講，嗰度唔係地下賭場係人哋屋企，超過兩枱麻雀同抽水，咁啱俾人拉啫，我聽講嗰個唔係案底，只係紀錄，幾年會消，如果我有案底又點可以周圍去。」
Theresa稍後會跟方力申合唱歌曲，前晚她邀請了方力申撐場。
採訪：馮美茵
攝影：陳志嵐
