八方噚日出席「着數通」資訊站嘅活動，赫然發現久未露面嘅神童鄺其志，佢去年中轉咗去一家針織廠偉新做董事總經理後，就好少曝光，噚日則以太平紳士身份，為「着數通」主持啟用儀式。
位於全港五十間7-11便利店嘅着數通資訊站，噚日再推出一項新服務，為市民提供易辦事（EPS）電子繳費服務，日後市民要繳付三百家易辦事商戶機構嘅服務費，除咗用電話、自動轉帳或親自到商戶店舖繳費外，重可以到7-11搞掂，都幾方便。
着數通總經理梁詠倫介紹，消費者可以用八達通、易辦事喺着數通資訊站買戲票、旅遊保險、下載手機鈴聲等等，遲啲重可以買埋粵港直通車票。佢哋投資咗成三千萬，希望四年內可以回本咁話。
傳真︰2623-9278
電郵︰[email protected]