大市一日悶過一日，昨日竟然連1百億元成交都唔夠。好彩噚日又有一隻異動股出現，令散戶有些少寄託，呢隻就係泛海酒店（292）。江湖傳聞四起，有話泛海酒店重估資產，又有人話私有化。但經紀陳就話只係乾炒牛河，因為隻股街貨疏，所以容易炒起。
泛海酒店昨日最高見1.22元，收1.09元，勁升84.75%，成交股數2224萬股，金額2168萬元。
另外，經紀黃日前提過紡織成衣股危中有機，雖然佢推介嘅福田（420）暫時未見上升，但同類股聯泰控股（311）則表現甚佳，自上周三跌至2.70元後，終於見到有人趁低吸納，昨日升4.31%，收3.025元，成交股數37萬股，金額111萬元。
聯泰本身基本因素不俗，但經紀黃就提醒小初，裕元集團（551）揸住聯泰約9%股權，雖然入股之時大家情投意合，但睇番裕元入股唯冠（334）同德發（928）的紀錄，裕元並不太長情，有錢賺就沽貨，買聯泰要提防呢點。
慕容小初