達仔同詹叔揚言要參選特首，可惜數極都數唔夠一百票入場，好彩有線電視不拘小節，梁文道一早就請咗兩位有心人出席電視辯論，今晚喺一台播出。
八方問金勞詹同達仔有冇擦出火花？詹叔話梗係冇，因為兩人同是天涯淪落人，點會爭拗？八方聽聞，中聯辦最怕係金勞，佢的確唔可以低估，上次立法會咪出其不意勝出。金勞話，佢噚日又多兩個選委口頭上支持佢，但係人人都問佢夠票未，如果只差一兩票，一定會成全佢，可惜佢𠵱家只有十二人話畀提名票佢，差一大截。
至於達仔，就等住社工嗰三十六票，因為佢哋統一提名，攞到就定好多。
達仔好勤力，雖然啲商界唔睬佢，但係佢努力打第二輪電話，佢同詹叔都覺得煲呔唔應該拒絕同佢哋交鋒，閂埋門搞造神運動。老詹重提佢，當選後唔好只用港英嘅人，要團結大多數。
爆料熱線：29290000、27860099
報料傳真：26239278
報料電郵：[email protected]