章小蕙舊愛陳曜旻的前妻鍾璧澤（Susanna）九八年因癌病逝世，葬於荃灣華人永遠墳場，但陳曜旻遲遲未為亡妻立碑，令鍾媽媽十分不滿，○二年最終由Susanna的好友出錢立碑，鍾媽媽曾表示對陳曜旻很失望。
遺願睇長今結局
本月二日凌晨，鍾媽媽因中風腦出血離世，昨晚其親人在北角香港殯儀館為她設靈，今日出殯，而陳曜旻昨晚亦有到靈堂致祭。
鍾媽媽的契仔劉先生昨日在電話中說：「契媽係五月二日凌晨走嘅，佢嘅死因係腦中風出血，其實佢離開前幾日，因為腳腫唔舒服去醫院睇醫生，佢重話要出院返屋企睇《大長今》大結局，點知入咗院就失去知覺，咁就離開。」
劉先生表示鍾媽媽生前曾提及後事的安排，他說：「佢話想火化，我哋會以道教儀式送佢最後一程。佢兩個孫仔都會幫手處理後事。」