古巨基日前因心律不正入院，昨日他出院時一臉憔悴，但說到有指他在廣州《勁歌王》頒獎禮中因拿不到大獎而詐病缺席，基仔即氣憤地說：「如果問我揀攞獎定身體健康，我一定揀身體健康！」不過出院後，基仔即趕往出席活動，認真頻撲。
大前日因心律不正入住養和醫院的古巨基，昨午一時許出院，雖然基仔架上墨鏡，但仍遮掩不住憔悴臉容。
寧要健康不要獎
記者見基仔滿臉鬚根，抽完血的左手仍貼着棉花，問他健康狀況如何時，基仔無精打采地說：「呢個病一開始冇乜先兆，呢兩日都係做基本檢查，有部check住心律嘅機跟住，全身插滿好多電線，又要抽血同做磁力共振，醫生話係壓力太大引起，但檢查報告暫時未知，醫生叫我唔好做劇烈運動，同埋兩星期後返嚟覆診。」
問基仔今次入院會否影響工作，他說：「入院兩日就休息咗兩日，本來要錄音同出席內地頒獎禮，但都甩咗通告，所以一出嚟就要做嘢。」
有傳大前晚舉行的廣州《勁歌王》頒獎禮，基仔因拿不到「至尊金曲獎」而詐病缺席，捧走該獎的容祖兒更有意無意地指基仔「個心唔舒服」。昨日記者向基仔詢問此事時，他氣憤地說：「我當時聽到（詐病傳聞），望見自己插住電線個樣，心諗唔係呀嘛！如果問我揀攞獎定身體健康，我一定揀身體健康囉！」
鼓勵向目標進發
而基仔出院後不久，便往尖沙嘴為頒獎禮擔任嘉賓，雖然有點憔悴，但他仍臉露笑容，當大會司儀問他何謂好生活時，基仔說：「唱好歌，我好享受唱歌，不過最緊要設定目標，我目標係喺紅館開演唱會，而我亦有向呢個目標進發，最終亦實踐到。」
此外，有線娛樂新聞台昨亦有派員採訪基仔，但卻臨時將咪牌除下，基仔一時不以為意，在接受訪問時說了廣東話。
採訪、攝影：娛樂突發組、馮美茵
