勞工處「製造」無良僱主 - 李八方

  勞工處「製造」無良僱主 - 李八方

勞工處每日都收到成千幾個新職位空缺,要將呢啲資料打入電腦,並載入該處個互動就業網站,工作量都算幾「龐大」。噚日就出現咗一個笑話,佢哋將一份月薪得二千五百蚊,請中五畢業生、工作時間由下晝兩點到六點嘅辦公室工作,寫成要求大專或大學程度、工時係朝九晚六嘅工。
呢份咁「筍」嘅工好快俾求職人士發現,嚇到眼都凸埋,有人急急報料勁抦個僱主無良,喺互聯網上又有人質疑呢份工唔知係咪玩嘢。八方向勞工處查證後,先知原來只係職員一時大意,雖然佢哋好快就作出更正,但係個想請人嘅僱主就已經無端端俾人屈咗做無良僱主嘞!


爆料熱線:29290000、27860099
報料傳真:26239278
報料電郵:[email protected]