噚日有周刊話某政府高官同朋友飯局，爆響口話港台唔好再不務正業，成日搞埋啲金曲頒獎禮、跑馬咁，應該做好官台嘅本份。八方四圍打探，究竟呢位高官係乜水，一問之下，原來係某位好快就要辭職嘅高官，但最好笑係，呢位高官嘅論點，為乜同民主黨單仲偕早排講港台改革內容咁似？
有官場中人同八方講，呢套嘢唔係民主黨諗嘅，亦唔係呢個快將辭職嘅大員度出嚟，背後獻計者係「大班」鄭經翰。呢位官場中人話，應該係大班將呢條橋彈畀睇港台嘅曾俊華，曾局長聽完覺得好計，於是又獻畀同佢有知遇之恩即將辭職嘅高官，大班又同時將呢條橋「醒」埋畀單仲偕，結果咪出現即將辭職高官同民主黨不約而同對改革港台有一模一樣嘅立場囉。
爆料熱線：29290000、27860099
報料傳真：26239278
報料電郵：[email protected]